كريستينا حداد ومارك رعيدي باز في مواجهة فنية نارية: إليسا الأذكى، هيفا showgirl بامتياز، ورامي عيّاش من أكبر الأصوات!
مواجهة فنية على الهواء مباشرةً، أجرأ التصريحات وأجواء من الغناء والمشاغبة والتصريحات النارية بهالحلقة من ما_بتقطع مع الفنانة اللبنانية كريستينا حداد والمغني الأوبرالي مارك رعيدي باز بيكشفوا فيها لأوّل مرّة عن تفاصيل حفلن المقبل على خشبة مسرح كازينو لبنان اللي رح يجمعوا فيه الغناء الأوبرالي بموسيقى البوب ضمن توليفة موسيقية مجنونة بتتضمّن الغناء بأكتر من 6 لغات.
وبحديث مطبوع بالصراحة والعفوية بيحكوا عن معادلات غير عادلة عالساحة الفنية وعن الفرص المحدودة لأصحاب المواهب الكبيرة وعن لعبة السوشال ميديا والترند اللي بتصنع نجومية أكتر من الموهبة نفسها.
مين برأين أهم الأصوات اللي مرقت بتاريخ الفن اللبناني؟ شو قالوا عن الشحرورة صباح و وديع الصافي ؟ ليش اعتبروا إليسا من أذكى الفنانات عالساحة؟ مين اختاروا ملكة البوب بين نوال الزغبي و نانسي عجرم؟ هل برأين ميريام فارس ملكة المسرح؟ شو قالوا عن حضور مايا دياب داليدا خليل وغيرن بالحفلات؟ بشو وصفوا أصوات وائل كفوري ملحم زين نقولا الأسطا مايك ماسي وغيرن وليش اعتبروا صوت رامي عياش من أكبر الأصوات الموجودة حالياً؟ شو موقفن من الألقاب اللي تُمنح لنجوم الغناء؟ مين أهم الأصوات الأوبرالية اللبنانية؟ وشو أحلام الفنانين أصحاب الخلفية الأكاديمية بلبنان؟
حلقة جريئة، فنية، عفوية، ومليانة مفاجآت من إعداد وتقديم رنا أسطيح بتتابعوها عبر قناة هنا لبنان
