مشاهد محذوفة وأسرار شخصية.. فيليب عرقتنجي: “صار وقت الحكي”!

بعد غياب شهر، بيرجع برنامج ما بتقطع بحلقة نارية مع المخرج اللبناني فيليب عرقتنجي، بحوار بيفتح ملفات شخصية وفنية ما انحكت قبل.

من تجربة فيلم”بوسطا” الراسخ بذاكرة السينما اللبنانية لفيلم “تحت القصف” اللي وثّق مشاهد حقيقية من حرب 2006، لأسرار فيلم “اسمعي” وكواليس فيلم “ميراث”، بيكشف فيليب عرقتنجي تفاصيل بتنحكى لأول مرة عن مشواره السينمائي اللي تكللّ بأكتر من ٤٦ جائزة عالمية.

وعن مسرحيته صار وقت الحكي (إخراج لينا أبيض) بيروي اللحظات الأصعب، من وفاة والده للمشهد اللي ما قدر يحكيه، وكيف تفاعل الجمهور معه بقرطاج وفرنسا وألمانيا، وليه عرض مونو الجاية بيحمل إضافات جديدة. وبيجاوب على سؤال: ليه قال “أنا أكلت 22 كف”؟ شو قصة فيلم اسمعي وتصنيفه +18؟ وكيف وجّه رسالة مباشرة للنساء؟ شو أضافتله منصة Netflix، ورأيه الصريح بأفلام زياد دويري (قضية رقم 23)، نادين لبكي (كاراميل)، وفيلم هردبشت لمحمد الدايخ؟
وبيحكي عن تعاونه مع أسماء من كارول سماحة لسينتيا كرم وستيفاني عطالله.
وبيكشف لأول مرة عن مشروع جديد عم يشتغل عليه.