أسرار 40 سنة فن مع جوليا قصار: محطات الحرب والحلم والحب… وجوائز الأوسكار!
هالمرة برنامج ما بتقطع بيستضيف أحد أبرز وجوه المسرح والسينما والشاشة بلبنان، الممثلة الكبيرة جوليا قصار، بتفتح قلبها ودفاتر ذكرياتها بحوار فني وإنساني عميق مع الإعلامية رنا أسطيح.
من بداياتها مع روّاد المسرح اللبناني وكبار المخرجين عالشاشة لحصولها على عدد قياسي من الجوايز المحلية والعالمية مروراً بجائزة أفضل ممثلة، دور أوّل عن دورها بمسلسل بالدم وصولاً لترشيح لبنان لفيلم “نجوم الأمل والألم” للمخرج سيريل عريس لجوائز الأوسكار، بتسترجع هالحلقة مشوار من النجاحات والمحطات الفارقة اللي انحفرت بالوجدان.
شو قالت عن دور شركات الإنتاج الكبرى متل الصباح إيغل فيلمز بدعم الدراما اللبنانية؟ شو الرسالة اللي وجهتها للمحطات التلفزيونية؟ وكيف بتتذكّر تجربتها بالنسبة لبكرا شو وإرث زياد الرحباني؟ ليش توقّفت عند مسلسل انتِ مين لكارين رزق الله؟ وكيف وصفت عدسة سمير حبشي بهيج حجيج زياد دويري وغيرن من أهم السينمائيين…
أما عن حياتها الخاصة، فبتحكي جوليا عن الشغف والمهنة والحب واللحظات الفارقة اللي بتصنع ذكرى. وبتستعيد حكايات عن مسارح بيروت وشوارعها وأيام التمثيل تحت القصف وبتحكي عن التحديات وعن المواجهة مع الذات والمجتمع للتمسّك بالشغف والأحلام…
حلقة كلها أسرار، دموع وضحك وصدق مع الرائعة جوليا قصار ضيفة برنامج ما بتقطع مع رنا أسطيح.
