منير بو عسّاف في أجرأ الاعترافات: أسرار النجاح مع وائل كفوري… وأقسى خسارة على الإطلاق!

الشاعر منير بو عساف بحلقة غير كل الحلقات من برنامج ما بتقطع مع رنا أسطيح بحوار صادق، وجريء بيكشف فيه أسرار من مشوار مليان نجاحات، وجروح، وتحديات، وكواليس 28 سنة من صناعة أنجح الأغاني بأصوات كبار النجوم.
– شو قصّة الأغنية المسرّبة اللي خربت الدنيي ببداية مشواره مع وائل كفوري؟
– ليه قال عملوني إرهابي بسبب أغنية؟
– شو طلب منه حسين الجسمي باتصال خاص؟
– شو ردّه على تصريح الملحن سمير صفير حول أغنية وائل الجديدة؟
– شو موقفه من قضية فضل شاكر اللي أعطاه أجمل أغاني متل “وافترقنا” و”أنا اشتقتلّك”؟
– شو قصّة “التوبة ما بقا عيدها” مع نجوى كرم؟
– شو رأيه بآخر أعمال نانسي عجرم ورامي عياش وملحم زين ونوال الزغبي وغيرن؟
– أيّا أغنية بكّته من أعمال إليسا وشيرين عبد الوهاب؟

وعلى المستوى الشخصي، بينفتح الباب على وجع عميق… منير بيحكي عن خسارته لزوجته الحامل، الحدث اللي وصفه بـ”مشروع حياة انهدّ وفي مية سؤال ما إلهن جواب”.
بيجاوب بصراحة إذا كانت الوفاة نتيجة خطأ طبي، وبيكشف لأوّل مرة عن قضية مرفوعة ضدّ المستشفى والطبيب، ليحكي عن الألم اللي قلَب حياته وهزّ كيانه.