من “سلمى” إلى “بالحرام”: وسام صبّاغ بيفتح كل الملفات وبيكشف أسرار الشخصيات!

الممثل اللبناني المحبوب وسام صبّاغ ضيف حلقة استثنائية من برنامج ما بتقطع مع الإعلامية رنا أسطيح … حلقة بتبدا من قلب التجربة الدرامية اللي عم تحقق جماهيرية كبيرة: مسلسل سلمى

بهالحوار، بيرجع وسام لخطّ الأم اللبنانية من خلال الجملة اللي تركت أثر كبير:
“أمّهاتنا هيك… كل أم صالحة بتدوب كرمال عيلتها، وهي سلمى”.
وبيكشف شو أكتر شي أثّر فيه أثناء التصوير، وكيف تحوّلت اللحظات القاسية لواحدة من أنضج تجاربه.

وبيفتح الباب على كل الكواليس من ٨ أشهر تصوير بتركيا:
كيف كانت الكيمياء مع مرام علي، ستيفاني عطالله، طوني عيسى، نيكولا معوض، مجدي مشموشي، نانسي خوري، نقولا دانيال وتقلا شمعون وغيرن من نجوم العمل.
شو التفاصيل اللي ما انحكت؟
وليش تحديدًا اختار دور طوني عيسى بهالعمل؟

ومن الدراما للمسرح…
وسام بيعلن عن عودته لخشبة المسرح عبر مسرحية ويلة عيد من تأليف وإخراج مايا سعيد واللي رح تنطلق بـ 11 ديسمبر على مسرح “District 7” .
وبيكشف شو بيجمعه بالممثلة أندريه ناكوزي وليش هالعمل إله نكهة خاصة.

ومن بعدها، بينتقل للتشويق الكبير حول مسلسل بالحرام
شو طبيعة علاقته مع باسم مغنية ؟
وشو القضايا اللي رح تعمل ضجة؟
وليش قال إنّو ماغي بو غصن غير هالسنة ؟
وشو كشف لأول مرة عن شخصية جود… وعن نضج ماغي بهالمرحلة؟
وبيوضح ليش اختار شخصية “محمود” بمسلسل للموت .

وبيحكي عن رأيه بشركات الإنتاج: إيغل فيلمز، الصباح، ومروى_غروب .
وبيستعيد تكريم الكاتبة نادين جابر من الـ NDU، وشو وجهلها رسالة.

ومن بيروت لدبي…
بيحكي وسام عن عمله الخليجي–اللبناني اللي جمعه بالممثلة رولا بقسماتي
شو صار بكواليس “الباء تحتها نقطة”؟
وشو التفاصيل اللي انكشفت لأول مرة؟

حوار مليان عفوية، صدق، وتجارب بين المسرح والدراما والكوميديا…
بحلقة ما بتتفوّت! عبر منصة هنا لبنان.