هناك لحظات يتوقّف فيها الزمن… جورج خبّاز يعترف: هذا الموقف أبكاني!

النجم اللبناني جورج خبّاز اللي حقق حضور خاص بالسينما العالمية وحصد جائزة “أفضل ممثل” من أهم المهرجانات السينمائية حول العالم، بيحلّ ضيف على برنامج ما بتقطع بحلقة استثنائية بيكشف فيها كواليس تجربته بفيلم يونان للمخرج أمير فخر الدين… وبيسترجع محطات مفصلية من مسيرته بين المسرح والسينما والدراما التلفزيونية.

شو قال عن أسماء كبيرة طبعت بداياته مثل الراحليْن ريمون جبارة وانطوان ملتقى والفنان القدير دريد لحام ؟ شو الرسالة اللي وجّهها مباشرة على الهوا لنادين لبكي ؟
كيف وصف تعاوناته مع نجوم ونجمات مثل كاريس بشار، أمل عرفة، منى زكي، عادل كرم وغيرن؟
ليش وصف تجربة أصحاب ولا أعز بـ“القنبلة”؟

شو كشف عن كواليس براندو الشرق وليش اعتذر عن دورين لرمضان 2026 من الصبّاح وإيغل فيلمز ؟
شو قصة مشروعه المسرحي الجديد بعد نجاح خيال صحرا ؟ وشو المفاجأة السينمائية اللي رح يعلن عنها خلال أيام قليلة؟!

وبلحظات صادقة ومؤثّرة، بيكشف لأوّل مرّة عن حادثة أبكته وبيحكي بحرقة عن غياب الفنان العبقري زياد الرحباني وبيفتح قلبه بكل صدق وشفافية ليحكي عن العيلة عن الأم والأب والأرض والوطن والحب والهواجس الوجودية.

حلقة مليانة عمق وصدق ولحظات بوح ومكاشفة شفّافة من إعداد وتقديم رنا أسطيح بتتابعوها عبر منصة هنا لبنان.