ترزيان ينعى زياد الرحباني: “حنضل نسمعك… حتى لو ما عاد في حدا يسمع”
لبنان
26 تموز, 2025
كتب النائب هاكوب ترزيان عبر منصة “أكس”:
“ما أصعب أن ننعي زياد…
ما أصعب أن نكتب عن من كتبلنا، ولحّن وجعنا.
ما أصعب أن نرثي من ما باع كلمته، ولا ساوم على صوته، ولا خاف يقول الحقيقة متل ما هي، عارية، قاسية، وبلا تجميل.
ننعي زياد؟
ننعي الصوت الحق يلي كان دايمًا أعلى من الصمت القاتل، والجرأة يلي كانت تمشي عالأسلاك بدون لا حساب ولا تراجع؟
ننعي يلي ما دغدغ أحلامنا، بس قالنا إفهموها متل ما هي… متل ما البلد هي…
ننعي الرافض، القاسي، الصادق، اللي خلق من السخرية سلاح، ومن الكلمة موقف، ومن اللحن وجدان شعب؟
زياد ما مات…
زياد غاب ليصير أكتر حضور.
غاب ليذكّرنا إنو الكلمة بعدها أقوى من الرصاصة…
وداعًا يا ابن الرحابنة… يا خارج السرب وصانع الوجع الجميل.
تبقى كلمتك بذاكرتنا، وحنضل نسمعك… حتى لو ما عاد في حدا يسمع”.
مواضيع ذات صلة :
 “التيار” ينعى زياد الرحباني: خسارة كبيرة للبنان |  كنعان: “زياد كنزك وإبداعك باقي قد ما باقي لبنان والرحابنة” |  حزب الله ينعى زياد الرحباني: قامة فنية مقاومة ومنارة للأجيال القادمة |
