الخبير الاقتصادي رند غيّاض يكتب: من هو أنطون صحناوي؟
كتب الخبير الاقتصادي رند غيّاض:
مين هو أنطون صحناوي؟
وليش كل ما حدا يكتب رأي نقدي بخطط “الإصلاح” الاقتصادي بلبنان، منسمع فورًا إنو هيدي حملة منظّمة وراها صحناوي؟
وإذا ما زبطت، بصير الكاتب “أميركاني” وعندو أجندة.
إذا انتقدت الخطة، إنت أداة.
إذا ناقشت الأرقام، إنت ممَوَّل.
إذا سألت سؤال بسيط، إنت جزء من مؤامرة.
بهالمنطق، ما بقى في ناس بتفكّر لحالها،
ولا خبراء مستقلّين،
ولا مواطنين موجوعين،
ولا مغتربين بعدن مهتمّين ببلدن.
في بس “حملات”
كأنّو التفكير صار تهمة،
والتحليل صار خيانة.
الحقيقة أبسط… وأقسى:
في كتير لبنانيين عنجد بيهمن لبنان.
بيهمّن اقتصاده،
بيهمّن تعب الناس،
وبيهمّن مستقبل ولادن.
ما بدن سياسة،
ولا سلطة،
ولا كراسي.
بدّن دولة بتعرف شو عم تعمل.
عن نفسي، حلمي كتير بسيط:
إنّي يوم من الأيام إتقاعد من شغلي بأميركا،
وأرجع عيش كم سنة بهدوء بضيعتي شبعا.
كل شي كتبته من 2014 لهلق
عن الانهيار،
عن سياسات رياض سلامة المدمّرة،
أو عن الخطة الكارثية يلي عم تطرحها هالحكومة
مش حملة،
ولا اصطفاف،
ولا مشروع نفوذ.
هو بس خوف حقيقي على بلد وشعب بيستاهلوا أكتر من هيك.
مين هو أنطون صحناوي؟
وليش كل ما حدا يكتب رأي نقدي بخطط “الإصلاح” الاقتصادي بلبنان، منسمع فورًا إنو هيدي حملة منظّمة وراها صحناوي؟
وإذا ما زبطت، بصير الكاتب “أميركاني” وعندو أجندة.إذا انتقدت الخطة، إنت أداة.
إذا ناقشت الأرقام، إنت ممَوَّل.
إذا سألت سؤال بسيط، إنت جزء من مؤامرة.…— Rand Ghayad رند غيّاض (@RandGhayad) December 30, 2025
مواضيع ذات صلة :
 بولا الكذابة |  يعقوبيان تدعي على صحناوي بجرم الصلات غير المشروعة بالعدو الإسرائيلي! |  نفاق بولا يعقوبيان… وعقدة “صحناوي” |
