هذا رأي نادين الراسي بطلاق معتصم النهار… ونصيحة إليه: “ما تخلّي بنتَك تدفع الثمن”!
سئلت الممثلة اللبنانية نادين الراسي عن رأيها في طلاق الممثل السوري معتصم النهار الذي تمّ الإعلان عنه رسمياً أخيراً. ووجّهت الراسي نصيحة الى زميلها النهار الذي تتشارك معه بطولة أحد الأعمال الدرامية التي تصوَّر حالياً.
وقالت في حديث لبرنامج “mbc trending”: “رح تزعلوا بعدين لأنكن طلّقتوا. من المؤكد انو كل طلاق بتكون أسبابو وجيهة. أنا طلّقت مرتين وتاني طلاق كان كتير بيوجّع. بس دايماً منزعل انو طلّقنا. وقد ما كانت الأسباب كبيرة، ولادنا أكبر من أكبر شي بالدني. وهالشي عذّبني ووجّعني لأنو انلقطت بالإيد اللي بتوجعني”.
وتابعت الراسي حديثها للنهار وطليقته لين برنجكجي، قائلة: “بس بقلكن رح تزعلوا بعدين. كرمال هالبنوت القمر بس كمان بتزعلوا أكتر إذا بتربوا هالبنت بجو مش كتير منيح. ضلكن متفقين ومتوافقين وما تخلّوا حدا يعبيلكن دينيكن بحكي. ما حدا غيركن رح ينبسط وما حدا غيركن رح يبكي. ما تخلّوا بنتكن تدفع الثمن”.
مواضيع ذات صلة :
 معتصم النهار: الطلاق تجربة مؤلمة.. وهكذا تجاوزته | معتصم النهار يُفاجئ الجمهور.. انتقل من التمثيل إلى الغناء وباللغة التركية! |  كان برفقة معتصم النهار.. شاهدوا اول ظهور لجورج وسوف بعد خروجه من المستشفى |
