أسرار فيلم هردبشت وأقوى التصريحات مع محمد وحسين الدايخ في “ما بتقطع”

بهالحلقة من ما بتقطع، كاتب ومخرج الفيلم اللبناني هردبشت محمد الدايخ وأحد أبطالو الممثل حسين الدايخ بيكشفوا أسرار وتفاصيل صناعة هالفيلم وأقوى عناصرو. شو الرسائل القوية اللي بيوجهها وشو القضايا اللي بيفضحها الفيلم؟ كيف تقمّصت رندة كعدي شخصية أم حسين ببراعة استثنائية؟ شو أبعاد شخصيات حسين قاووق، غبريال يمين، فؤاد يمين وباقي نجوم العمل؟ وبالحلقة بيكشف محمد الدايخ مصير برنامج تعا قلو بيزعل وليش رح يوقف بعد ٧ حلقات؟ ليش قرر الخروج من صورة البيئة الشيعية اللي انطبع فيها؟ شو قصة فيلمو الجديد؟ ولمين قال بقتل كرمالك؟! وبالحلقة مواقف صريحة وقوية حول السينما والدراما بلبنان وقضايا فنية واجتماعية كتيرة. بالاضافة لاسرار عن حياة محمد وحسين الدايخ بتنكشف لاول مرة عالهوا! كل هالتفاصيل وغيرها ضمن هالحلقة من ما بتقطع مع رنا أسطيح السبت ٧ المسا عبر هنا لبنان.