دوري السمراني: سرقتُ هذا المشهد في “النار بالنار” وهذه المسرحية صنعت مني وحشاً !
بهالحلقة من ما بتقطع النجم اللبناني دوري السمراني بيشكف لاوّل مرة عن التغييرات اللي صارت بدورو بمسلسل النار بالنار وكيف كانت القصة الاساسية بورق الكاتب رامي كوسا . وبيرجع دوري بالزمن لأول مهنة مارسها قبل التمثيل وكيف اشتغل ٢٠ سنة بكاراج لتصليح السيارات قبل ما يقرر يدخل المجال وبيسترجع أقوى اللحظات بمشوارو الفني بين المسرح والسينما والتلفزيون وبيكشف كواليس مسرحية الوحش للمخرج جاك مارون واللي مثلت لبنان بمهرجان قرطاج وبيحكي عن الممثلة كارول عبود وقوّتها كممثلة وبيكشف سبب غيابو عن الوعي اربع مرات بأحد عروض المسرحية. ليش قال انو بفترة شعر بالاحباط وكان مدمّر نفسياً؟ وكيف قدر يتخطى الموضوع وشو أهمية العلاج النفسي؟ وبالحلقة كمان أسرار ومواقف عن تعاوناتو مع أبرز نجمات الدراما متل سيرين عبد النور نادين نسيب نجيم ندى أبو فرحات كارين رزق الله وغيرن وبيكشف عن وعد قطعو على نفسو متعلّق بعمّار شلق وكارمن لبّس وليش اختار فؤاد يمين ورودني حداد بالاضافة لمرور على مجموعة من آخر اعمالو الدرامية متل صالون زهرة، عروس بيروت ،دانتيل، بالقلب، بكّير، دور العمر وغيرها عشرات الاعمال… كل هالتفاصيل ومواقف كتير قوية بهالحلقة من ما بتقطع مع رنا أسطيح.
