يورغو شلهوب: أحب الجنون في الفن ومغامرتي المقبلة قد تجمعني بسيرين عبد النور وقيس الشيخ نجيب

بحلقة سقفها عالي كتير ومليانة مفاجآ، النجم اللبناني يورغو شلهوب بيحكي عن مشوار أكتر من ٢٥ سنة بالتمثيل قدر خلالهن يكون بطل بمجموعة كبيرة من الأعمال اللي شكّلت ظاهرة ما بتنمحى بذاكرة الدراما اللبنانية والعربية وبيكشف لأوّل مرّة عن جوانب مسلسل جديد من المتوقع انو يجمعو بالنجمين سيرين عبد النور وقيس الشيخ نجيب . شو قال عن التجارب الصعبة اللي منقطع فيها بالحياة، عن الحرب والحب والفن والجنون وطبيعة العلاقات الإنسانية؟ شو الذكريات اللي ما بتتنسى بالنسبة لإلو من ايّام الحرب والسلم؟ ليش وصف الطبقة السياسية بالخبث والنرجسية؟ شو اللي تغيّر فيه على الصعيد الشخصي والفكري من بعد تعمقو بعلم الطاقة والفلسفة؟ ليش قال مابتقطع يكون قلبي دق من دون كارين رزق الله ويورغو شلهوب؟ كيف وصف تجربتو مع أرباب الدراما متل منى واصف وشكري أنيس فاخوري والراحل مروان نجار؟ كيف علاقتو اليوم بالمنتجين الصباح ايغل فلمز مروان حداد ؟ ليش رفض ٩٠ بالمية من الاعمال اللي انعرضت عليه؟ وشو قال عن البطلات اللي تعاون معن ورد الخال فيفيان أنطونيوس كارول الحاج ندى أبو فرحات وغيرن؟ شو أخطر مشهد نفّذو؟ ليش قال صلوات أمّي حميتني؟ وليش اعتبر انو التمثيل هو اللي اختارو؟ كل هالأسئلة وغيرها بيجاوب عليها النجم اللبناني يورغو شلهوب بكل جرأة وشفافية بهالحلقة من ما بتقطع مع رنا أسطيح عبر منصة هنا لبنان