حنين أبو شقرا: أسماء لمنور الأولى عربياً وأعرض هذه الأغنية على هيفا وهبي
بحلقة مليانة مواقف مشوّقة وتصريحات نارية، بتحلّ النجمة اللبنانية حنين أبو شقرا ضيفة على برنامج “ما بتقطع” وبتستعيد مراحل مهمّة من مشوارها ولحظات مفصلية بتكشف عن أسرارها وكواليسها. شو قالت عن وقوفها على أهم المسارح الى جانب عمالقة الغناء العربي والعالمي متل صباح شارل ازنافور ديميس روسوس وصباح فخري ؟ مين الأصوات اللي ما بتقطع؟ شو موقفها من الردّيات؟ ومين وصفتهن بأساتذة الموال اللبناني؟ شو قالت عن وائل كفوري معين شريف نقولا الاسطا ملحم زين وهادي خليل ؟ شو الاغنية المفضلة عندها للنجمة نجوى كرم ؟ شو قالت عن إليسا وأصالة وشيرين عبد الوهاب وليش اعتبرت أسماء لمنور الصوت الأول بالعالم العربي؟ شو قالت عن موقف الفنان يوري مرقدي من المساكنة؟ وليش قالت انها ما بتوقف بوجّ أولادها؟ شو كشفت عن انفصالها عن ميشال الفتريادس وشو مشاريعها من بعد مرحلة الفرقة الكوبية؟ وشو قصة الأغنية اللي عرضتها عالهوا على النجمة هيفا وهبي ؟ كل هالأسئلة وغيرها كتير من المواضيع المشوقة بتتابعوها مع النجمة حنين أبو شقرا ضيفة هالحلقة من ما بتقطع مع رنا أسطيح عبر منصة هنا لبنان.
