ريم حنّا: كاريس بشار تستحق جائزة، سيرين عبد النور الأجمل ويوسف الخال ما بينقصه شي!
بتحلّ الكاتبة السورية الكبيرة ريم حنّا ضيفة على هالحلقة من برنامج “ما بتقطع”، وبتكشف لأوّل مرّة عن موضوع مسلسلها القادم عبّاد الشمس اللي رح يتناول قضية العلاقات السامّة وهو من انتاج شركة إيغل فيلمز ومن إخراج رامي حنّا، كما بتسترجع أنجح الأعمال الدرامية اللي كتبتها بالسنوات الأخيرة مثل مسلسل أحلام مؤجّلة الفصول الأربعة رسائل الحبّ والحرب ذكريات الزمن القادم لعبة الموت الكاتب 24 قيراط وغيرها. وبتفتح قلبها حول مراحل عمرها وبتستعيد أسعد وأقسى الذكريات اللي عاشتها. ولأوّل مرّة بتتحدّث عن غياب والدها لثلاث سنوات والأثر اللي تركته هالحادثة بنفسها وكيف انعكست على كتاباتها.
وبسلسلة مواقف صريحة بتختار كاريس بشّار كأفضل ممثلة عن دورها بمسلسل النار بالنار و سيرين عبد النور كأجمل وجه في الدراما اللبنانية والعربية و يوسف الخال كنجم لبناني صاحب حضور عربي، كما بتعبّر عن إعجابها بالمخرج فيليب أسمر باسم السلكا الليث حجو باسل الخطيب هيثم حقي نجدت أنزور وغيرن من المخرجين وبتأكّد على اعتزازها بثنائيتها الناجحة مع شقيقها المخرج رامي حنّا أما عن الأعمال الدرامية المقتبسة فبتعبّر عن رأيها بمسلسلات متل ستيلتو الثمن الخائن كريستال وغيرها وبترفض تختار بين سلافة معمار وديما قندلفت كما بتعبّر عن اعجابها بماغي بو غصن نادين نجيم وباميلا الكك. شو قالت عن مسلسل عيلة خمس_نجوم وضيعة ضايعة؟ ليش اعتبرت انو باب الحارة قعّد مسلسلات كتيرة عجنب؟ شو موقفها من إدراج أغنية دشش لسارة زكريا بمسلسل للموت؟ ليش اختارت ناصيف زيتون والشامي من بين أفضل النجوم شو قالت عن صباح فخري جورج وسوف أصالة ميادة الحناوي رويدا عطية وغيرهم؟ ومين المطربة اللي قالت انها بتضاهي كوكب الشرق أم كلثوم؟ كل هالتفاصيل وغيرها كتير بتتابعوها بهالحلقة من ما بتقطع مع رنا أسطيح عبر منصة هنا لبنان.
