ألف أبي سعد: الجسمي، شيرين وبلقيس الأقوى في اللايف وشايف وائل كفوري بالاسباني!

بحلقة نارية ومفاجآت بتنكشف لاول مرة عالهوا بيطل المؤلف الموسيقي وعازف البيانو اللبناني ألف أبي سعد كضيف بحوار قوي وصريح ضمن برنامج “ما بتقطع” وبيكشف تفاصيل حصرية عن مشروعه الفني الجديد “أزنافور يالعربي اللي بيوجّه من خلاله تحية للمغني الاسطوري شارل أزنافور باصوات نجوم عرب وعالميين من بينهن اللبنانية ايفون الهاشم والنجم العالمي غارو ضمن مشروع موسيقي ضخم . وبهالحلقة بيحكي ألف عن اللحظة اللي تلقى فيها خبر وفاة أزنافور وبيكشف قصة حقيقية صارت معه بالكواليس كما بيستعيد مشوار أكتر من ٢٢ سنة بالعزف والتأليف الموسيقي وبيحكي عن أهم المحطات بجولته العالمية اللي عم بيكون فيها على أهم مسارح العالم واللي بتتضمن محطة خاصة مع أمسية موسيقية مميزة بكازينو لبنان ب ٢٣ شباط. شو قال عن العازفين والمؤلفين اللبنانيين متل غي مانوكيان ميشال فاضل و جان ماري رياشي ؟ شو قصة تعاونه مع لقيس وشو الرسالة اللي وجهها عالهوا للنجم وائل كفوري ؟ شو موقفه من الاغاني الشعبية واستعادة أغاني الكبار؟ شو قصة هوسه بالسيارات القديمة؟ وهل فعلاً عزف على بيانو بيتخطّى سعره المليون دولار؟ كيف بيوصف المرحلة اللي رافق فيها النجمة مايا دياب ببرنامج هيك منغني؟ ومين الصوت اللي ممكن اليوم يقدمله لحن؟ شو قال عن احساس حسين الجسمي شيرين عبد الوهاب وبلقيس وليش اعتبرن الأقوى بالغناء الحي؟ وليش اعتبر انو وائل كفوري بينجح بالفلامينكو والالحان الاسبانية؟ كل هالتفاصيل وغيرها بتتابعوها بهالحلقة من ما بتقطع مع رنا أسطيح السبت ٧ المسا عبر منصة هنا لبنان