تاتيانا مرعب تكشف لاوّل مرّة عن أصعب تجربة مرّت في حياتها وتؤكد: الخائن حديث الوطن العربي!
بوحدة من أجرأ مقابلاتها على الإطلاق بتكشف نجمة مسلسل الخائن تاتيانا مرعب لأول مرة على الهوا عن أسوأ تجربة مرّت بحياتها وتؤكد “لولا أولادي كنت عملت انهيار”! تاتيانا بتسترجع بشجاعة لحظة اللي فقدت فيها طفلها عن عمر ٤٠ يوم وبتوجّه رسالة قوية لكل النساء اللي اختبروا هالوجع.
وعن نهاية مسلسل الخائن وكواليسه بتتحدّث عن أغرب المواقف واحلى الذكريات مع قيس الشيخ نجيب سلافة معمار مرام علي رولا بقسماتي شربل زيادة ايلي متري وغيرن.
وبالحلقة بتكشف تاتيانا عن أبرز الأعمال الجديدة اللي مشاركة فيها متل مسلسل فويس وكيف مثلت بالشام وهي حامل مشاهد اكشن!! وبتكشف كمان عن مشاركتها بالبطولة بمسلسل نزيف مع اسماعيل تمر ماريتا الحلاني .. شو قالت عن هيفا وهبي ميريام فارس ؟ وشو قالت عن رندة كعدي ؟ وليش قالت إنه سلطان الطرب جورج وسوف اختارها بالإسم وشو قالت عن تجربتها معه؟ وبالحلقة بتستذكر حضورها على مسرح الشانسونييه بمسرح ماريو باسيل و شادي مارون وكيف اتعلقوا فيها العالم وكانو يطالبوا بوجودها بس تغيب عن الساحة ليش قالت رولا شامية النمبر وان بالكوميديا؟ مين اعتبرت انو ببيالغ بأداءه؟ شو السؤال اللي رفضت تجاوب عليه؟ هالأسئلة ومواضيع كتير غيرها بتتخللها مواقف كوميدية مع تاتيانا مرعب ضيفة هالحلقة من ما بتقطع مع رنا أسطيح السبت ٧ المسا عبر منصة هنا لبنان …
