سوسن شوربا الممثلة التي تكافح السرطان بحب الحياة وعشق المسرح!
حلقة مؤثرة ولحظات انسانية ما بتنتسى بهالحلقة من ما بتقطع مع الممثلة والكاتبة اللبنانية سوسن شوربا المصابة بحب الحياة وعشق المسرح واللي عم تكافح أشرس مرض ببطولة استثنائية خلّتها تحوّل مرض السرطان من تهديد لحياتها لقصة ملمهمة عم تحقق من خلالها أجمل أحلامها. بهالحلقة بتروي سوسن قصة نضالها مع المرض خلال ال ١٣ سنة، بتكشف انها حالياً بمرحلة متقدمة من انتشار الخبيث وبتأكّد على اصرارها بمحاربته لآخر نفس. سوسن العاشقة للمسرح الى أبعد حدود بتحكي عن أهم أدوارها على الخشبة وبتسعيد أعمال فنية خبّرت فيهن قصتها بطرق مختلفة من ريحة العنبر مع عصام بو خالد لمسرحية فولار مع ديمتري ملكي وشادي الهبر وصولاً لمسرحية مورفين مع يحيى جابر. ليش قالت انو صوت شارل أزنافور كان أهمّ من حبّة الدوا؟ شو قالت عن جسد المرأة المصابة بالسرطان وصورتها بالمجتمع وكفاحها من أجل هويّتها وأنوثتها؟ شو الرسالة اللي وجّهتها لأطفالها؟ كيف وصفت علاقتها بالاعلام؟ ليش قالت انو تصنيفات النجوم بتلعّي النفس؟! شو الندم الوحيد اللي اعترفت فيه؟ وشو الحلم اللي بعد عبالها تحققه؟ كل هالأسئلة وأصدق اللحظات الانسانية بتتابعوها بهالحلقة من ما بتقطع مع رنا أسطيح عبر منصة هنا لبنان.
