مارسيل غصن: ماريو باسيل بيشبّق شمال يمين وبخاف على زينة مكي وستيفاني عطالله!

حلقة نارية من “ما بتقطع” مع ضيف هالحلقة الممثل والمخرج مارسيل غصن اللي بيحكي بكل جرأة عن أحدث مسرحياته “insomnia” وبيشرح سبب اختياره لموضوع التعلّق الهوسي والاضطرابات النفسية كمحور أساسي بالمسرحية وبيعترف بإنه حضر مقابلات لقاتلين متسلسلين وحاول ياخد تعابيرن ليوظّفها تمثيلياً. وبيفتح مارسيل النار بهالمقابلة على ظاهرة السوشال ميديا وبيقول بصوت عالي “ما بتقطع انو الفنان يضطرّ يهرّج ليستقطب الاهتمام”! شو قصة الدبدوب اللي بيشاركه الخشبة؟ وليش قال انه عم يغار منه لإنه عم يسرق الشهرة منه؟ شو الموقف اللي صار معه بدبي وخلاه يخوف أحد المشاهدين؟وبسياق الحديث بيكشف مارسيل تفاصيل مشوقة عن فيلمه الجديد Follower وبيحكي عن بطلة فيلمه ماريلين نعمان وبيحكي عن أحداث الفيلم اللي بيتناول جريمة قتل بظلّ السوشال ميديا! وعن البطلات اللي شاركوه الخشبة وتحوّلوا لنجمات بالدراما التلفزيونية بيتحدّث مارسيل عن ستيفاني عطالله وزينة مكي وبيعرب عن رأيه بمسلسلاتن الاخيرة كريستال و الهيبة كما بيرجع لمرحلة تعاونه مع المخرج سعيد الماروق وبيتحدّث عن كواليس تصوير إحدى أغنيات نجوى كرم ! وبالسياق بيحكي عن تعاونه مع ماريو باسيل وليش اعتبر انه الشغل مع ماريو باسيل ما بيشبهو؟ وشو قال عن مسرح الشانسونييه ؟ وليش اعتبر الرقابة على الفن ما بتقطع ؟ وشو قال عن مسرحيته lies and likes ؟ وبالحلقة بيكشف مارسيل عن فيلم جديد لإله عن انفجار مرفأ بيروت فشو الفكرة الجديدة اللي كشف عنها وعلى شو كان تركيزه ؟ليش قال عن فكرة ارتباط ملكة الجمال بالتمثيل ما بيقطع ؟ وكتير مواضيع وأسئلة بجاوب عليها الفنان اللبناني مارسيل غصن ضيف هالحلقة من برنامج ما بتقطع مع رنا أسطيح عبر منصة هنا لبنان.