فادي أبي سمرا: قاتلتُ في الحرب ولم أقتُل… وهذه أمنيتي الأخيرة!
بوحدة من أجرأ إطلالاته الإعلامية على الإطلاق بيطلّ النجم اللبناني فادي أبي سمرا بحلقة سقفها عالي كتير من برنامج ما بتقطع مع رنا أسطيح وبيفتح قلبه ودفاتر ذكرياته ليستعيد مشوار زاخر بالنجاحات والجوايز المحلية والعالمية لأرشيف كبير قدّمه بالسينما والمسرح والدراما التلفزيونية. وبيعلن لأوّل مرّة عن أكتر من 50 عرض مسرحي قدّمها بالعاصمة الفرنسية باريس الى جانب الكاتب والمخرج اللبناني وجدي معوّض وبيكشف انو هالمسرحية هي عبارة عن رسالة نقدية قاسية جداً للحرب الأهلية اللبنانية.
بهالحلقة فادي بيحكي عن أشهر أدواره عالشاشة من شخصية “أبو حنش” بفيلم “West Beirut” للمخرج زياد دويري الرّاسخ بالذاكرة السينمائية اللبنانية، لـ هولو الشبه-أسطوري بمسلسل الهيبة لأمين بـ للموت وفوّاز بصالون زهرة وسلطان بباب الجحيم ووليد بـ شتي يا بيروت وغيرن…
شو الاعتراف اللي قاله لاوّل مرّة على الهوا؟ شو حقيقة مشاركته بالحرب الأهلية بلبنان كمقاتل الى جانب أحد الأحزاب اللبنانية؟ ليش قال “بشكر ربّي اني ما قتلت حدا بإيدي؟ شو خلاصة تجربته بالحرب وشو الرسالة القوية اللي وجهّها للجيل الجديد؟
شو سرّ النجاح الاستثنائي اللي حققه بشخصيات الشرّ وكيف أعطاها بُعد انساني واسع ولمسات كوميدية رغم قسوتها؟ وهل هي فعلًا شخصيّات حقيقية قابلها بحياته؟ ليش البعض بيفكّر إنّو من الديانة المسيحية؟ شو موقفه من الطائفية وشو قال عن نشأته ببيت كان والده فيه ابن المؤسسة العسكرية وداعي للانفتاح والتعايش؟
شو المشهد اللي قرّر يحذفه من حياته؟ ليش تأثّر وخانته الدمعة لما حكي عن رحيل والده ووالدته بفترة متقاربة وشو الأمنية الأخيرة اللي بيتمنّى يحققها بحياته؟
شو الثنائية الأقوى بمشواره التمثيلي بين أدواره مع كارول عبود وأنجو ريحان وغيرن من نجمات الدراما؟ مين الممثل الأقوى بنظره بين نجوم سوريا ومين الأقرب لإله على صعيد التناغم الفني والإنساني بين تيم حسن عابد فهد قصي خولي باسل خياط معتصم النهار محمد الأحمد و قيس الشيخ نجيب ؟
شو هوّ الدور اللي قال عنّه دُشش بلغة أمين؟ مين اختار بين دانييلا رحمة و ماغي بو غصن ؟ ليش فضّل سينتيا كرم وسعيد سرحان وشو قال عن مسلسل بالدم ؟ شو سرّ اعجابه بمسلسل لام شمسية ؟ وليش اختار أحمد السعدني و محمد شاهين ؟ شو قال عن تطوّر نادين نجيم كممثلة ؟ هل اعتبر سيرين عبد النور مغيّبة ؟ شو كشف عن انضمام ياسمينا زيتون لنادي الملكات الممثلات؟ وشو سبب اختياره لدانا مرديني ورندا كعدي ؟ وشو الفرق اللي اعتبر المخرج سامر البرقاوي قدر يحققه بمجال الإخراج الدرامي؟ كلّ هالأسئلة وغيرها الكتير بتتابعوها بحلقة نارية بامتياز من برنامج ما بتقطع عبر منصة “هنا لبنان” واللينك بالبايو والستوريز.
