سمارا نهرا تكشف كواليس “بالدم”… وتتأثّر على الهواء: “الضربة اللي ما بتقتلك بتقوّيك”!
حلقة مؤثرة مليانة دموع، فرح، حماس وكوميديا مع الممثلة اللبنانية سمارة نهرا بتستعيد فيها مسيرة ٣٠ سنة من التمثيل بين المسرح والسينما والتلفزيون بالعديد من الأعمال اللي حفرت بذاكرة الجمهور اللبناني، وبتتحدّث عن دور إكرام بمسلسل بالدم اللي حقق نجاح هائل بلبنان والخارج.
شو أهضم التعليقات اللي تلقتها عن شخصيتها بالمسلسل؟ كيف كانت كواليس التصوير وشو أصعب مشهد قطع بالمسلسل؟
كيف وصفت علاقتها بالممثلين ماغي بوغصن بديع أبو شقرا باسم مغنية وسام فارس وسعيد سرحان؟ شو قالت عن أدوار ماريلين نعمان جيسي عبدو رولا بقسماتي وسينتيا كرم؟ كيف بتوصف حضور ممثلين كبار متل جوليا قصار رفيق علي أحمد نوال كامل وغبريال يمين بالدراما التلفزيونية؟ وشو الصدمة اللي حكيت عنها بنص نادين جابر؟ وليش قالت عدسة فيليب أسمر بمية عين؟!
وعلى صعيد الأعمال والأرشيف بتتحدّث سمارة نهرا عن نصوص منى طايع وكلوديا مرشليان وكارين رزق الله وبتعلن عن عودة كوميدية بنص من كتابة طارق سويد!
أما بالشق الشخصي فبتحكي عن أكبر خساراتها بالحياة من بعد موت خيها وأختها وأهلها وكيف أثر هالفقدان الكبير بحياتها وجعل منها شخصية أقوى بتتمسّك بالضحكة والفرح رغم كل المآسي. شو أفضل دور بمسيرتها التمثيلية ؟ ومين أقرب الممثلين على قلبها وهل بتخاف من بكرا شو بيحمل لها؟ كل هالمواضيع وغيرها حكيت فيهن سمارة نهرا بكل عفوية وخفة دم وصراحة بهالحلقة من برنامج ما بتقطع عبر منصة “هنا لبنان”.
