فيفيان أنطونيوس بأقوى لقاء تفضح كل الملفات: كرامتي خط أحمر ومين أصلًا مؤهّل يقيمني؟!
بأجرأ إطلالة إعلامية لإلها، الممثلة اللبنانية فيفيان أنطونيوس بتكسر الصمت وبتفتح كل الملفات.
لأول مرة ضمن برنامج ما بتقطع مع رنا أسطيح بتسترجع بداياتها مع الراحل مروان نجار وبتقول إنه إله فضل على كتير نجوم موجودين عالشاشة اليوم.
شو قالت عن المرحلة يلي “اتبهدلوا” فيها قبل ما يدوقوا طعم النجاح؟ وليه برأيها الشهرة اليوم أسهل وأسرع؟ وليه قالت: “مش الكل فيه ينجح… بس الكل فيه ينشهر”؟ وشو صار بكواليس مشاهدها مع نادين نسيب نجيم بمسلسل واخيرا؟ وشو سر الحديث اللي انحذف من مقابلة سابقة خوفًا من زعل الشركة؟ وليه قالت: “خايف ما يقبض!”؟
وبسياق المقابلة بتحكي فيفيان عن الظلم اللي تعرضتله بمسلسلي الثمن وأولاد آدم وبتستعيد مشاركتها بمسلسل للموت وبتكشف لاوّل مرّة خفايا علاقتها مع ماغي بو غصن وسبب عتبها عليها.
عن علاقتها بنجمات الدراما شو قالت عن نادين الراسي سيرين عبد النور كارين رزق الله كارول الحاج وبرناديت حديب؟
تفاصيل حصرية عن أدوار ندمت عليها، وأخرى اعتزّت فيها، وتجربة مسرحية جديدة مع طارق سويد بتعتبرها نقلة نوعية. ليه اختارت دور كارول عبود بـ”للموت”؟ وشو قالت عن رندة كعدي وعن جوليا قصار؟ وليه قالت: “بـلبنان في عقد نفسية”؟
شو سر ثنائيتها مع جورج خباز باسم مغنية بديع أبو شقرا يورغو شلهوب طلال الجردي وسام صباغ وغيرهم؟ وشو قالت عن المخرج فيليب أسمر وليه اختارت سمير حبشي وميلاد أبي رعد من بين الكل؟
كل هالتفاصيل وغيرها من المفاجآت والاعترافات الجريئة بتتابعوها بحلقة خاصة مع فيفيان أنطونيوس ضيفة رنا أسطيح ضمن برنامج ما بتقطع الساعة ٧ مسا السبت عبر منصة هنا لبنان
