جاك مارون بين كوميديا العلاقات المضطربة والتابوهات: غوصٌ عميقٌ.. وخلاصٌ يتعلّقُ بخشبة مسرح!
بأجرأ مقابلة إعلامية على الإطلاق، بيطلّ المخرج والمنتج اللبناني جاك مارون عبر برنامج ما بتقطع مع رنا أسطيح ليفتح أوراق مسرحياته ويستعيد نجاحات باهرة حققها على الخشبة، ويكشف عن أسرار وكواليس مجموعة من أنجح أعماله بدءاً من مسرحية Reasons to be Pretty مروراً بمسرحيتي كعب عالي وفرضاً إنو ووصولاً إلى مسرحية فينوس اللي شكّلت منعطف قوي بمشواره المهني.
بحوار شفّاف وصادق يبستعيد جاك مارون أبرز التعاونات اللي جمعته بنجوم الشاشة والخشبة متل نادين لبكي طلال الجردي إيلي متري ندى أبو فرحات عمار شلق ريتا حايك بديع أبو شقرا كارول عبود دوري السمراني وغبريال يمين.
وبين سايكولوجيا الأعمال وشروط الرقابة وتابوهات المجتمع، بيتحدّث جاك مارون عن المواجهة مع المجتمع الفني اللبناني بعدما أمضى 15 سنة بالولايات المتحدة. شو قصّة البوستر اللي كان خرب البلد؟ من مين تلقّى تهديدات واضحة وصريحة بقطع الراس؟! كيف حاول يحمي الممثلين وليش قال ممنوع تفتحوا هواتفكم؟ شو قال عن العلاقة بين المسرح والدراما التلفزيونية والسينما؟ شو موقفه من الابتزاز الجنسي اللي بيتعرّضوله بعض الممثلات من مخرجين؟ شو قال عن الأدوار الجندرية ومفهوم السلطة بالعلاقات؟ وكيف وصف علاقته بالتمثيل؟ شو رأيه بالضجة اللي حصدتها سينتيا كرم عن دورها بمسلسل بالدم؟ شو رأيه بمسرح ماريو باسيل؟ شو قال عن الشانسونييه؟ مين الممثلين اللي تدربوا معه بمحترف الممثل؟ ليش اختار الكوميدي شاكر بو عبد الله؟ وشو رأيه بكوميديا محمد الدايخ وحسين قاووق؟ وليش أشاد بممثلي ع كعبا؟ شو قصة لايحة الاضطرابات النفسية والفيرال فيديو عالسوشال ميديا؟ وليش قال دفعت ثمن خياراتي بالفن وحققت المصالحة بحياتي؟
كل هالأسئلة وغيرها الكتير، جاوب عنها جاك مارون بصراحة وجرأة كبيرة، بحلقة ما بتتفوّت من ما بتقطع بتتابعوها كاملة عبر قناة هنا لبنان الرسمية على يوتيوب واللينك بالبايو والستوريز.
