هيثم زياد يفجرها: كان بدهم يزيحوني من الطريق!! ولمين قال “صار لازم يقعدوا بالبيت”
بحلقة سقفها عالي كتير الفنان والملحن اللبناني هيثم زياد بيكشف أسرار كتيرة ومواقف ما بتنتسى من كواليس مشواره الفني اللي بيمتدّ لأكتر من 29 سنة صنع خلالها أشهر الألحان وتعاون مع مجموعة من ألمع الأسماء الفنية.
من رجب اللي شكّلت الانطلاقة مع النجمة اللبنانية هيفا وهبي لقصة أغاني مشهورة بألحانه متل أهل الراية لحظة غدر دوارة الأيام أغلى الحبايب كيفَك إنت أصل البنات شربات أضرُب والريح تصيح وغيرها من الأغنيات…
زياد بيستعيد بهالحلقة البدايات من ذهبية استديو الفن 1996 لسنوات من النجاح، المحاربات والتحدّي. شو قصة حادثة رميه بمياه النار بالـ 2005؟ ليش قال اللعب مع الكبار خطر؟ وشو الرسالة اللي وصلتله؟ ليش اعتبر إنو هيثم الملحّن سرق هيثم المطرب؟ لمين قال صار لازم يقعدوا بالبيت؟ شو قصة الأغنية اللي كانت للفنان زياد برجي وصدرت بصوته؟ شو قال عن خلافات ومصالحات الشاعر أحمد ماضي ؟ ليش قال فيروز خط أحمر؟ شو حكي عن ملحم بركات وديع الصافي وصباح؟ شو قال عن حملة التنمّر اللي تعرّضتلها إليسا؟ هل بيعتبر ميريام فارس عالمية؟ شو موقفه من عودة فضل شاكر؟ وليش انفعل لما انحكى عن اعتزال جورج وسوف؟ وشو كشف عن كواليس تعاوناته مع أهم نجوم الغناء متل ميادة الحناوي حسين الجسمي لطيفة عاصي الحلاني ملحم زين عبد الله بالخير راغب علامة معين شريف نوال الزغبي نانسي عجرم ومايا دياب ؟ بشو وصف الشامي دوزي الأخرس وسيلاوي وديع الشيخ كارلوس ماهر جاه؟ هل بيعتب على أمل حجازي دارين حدشيتي نورا رحال وجوانا ملاح؟ وشو قصة التعاون مع النجمة السورية أصالة؟
كل هالأسئلة وغيرها الكتير بتتابعوها بحلقة استثنائية من ما بتقطع مع رنا أسطيح عبر منصة هنا لبنان واللينك بالبايو والستوريز.
