سمير حبشي: ستيفاني عطالله طارت بموهبتها.. ريتا حايك وحشة وسيرين لازم ترجع بقوّة!
مواجهة مع الرقابة، كواليس أفلام أحدثت ضجّة بالوسطين الإعلامي والسينمائي، واعترافات طالت أهم نجمات الدراما وبالاسم! حلقة نارية بكل معنى الكلمة مع المخرج اللبناني سمير حبشي ببرنامج ما بتقطع مع رنا أسطيح.
من فيلم “الإعصار” بالـ 1992 لفيلم “نهاد الشامي” بالـ 2025 مسيرة سينمائية حافلة كانت صوت وصورة لمواضيع البلد والناس من قصص الحرب، لحكايات الحب، لمواجهة العنف والطائفية والجهل والانقسامات وغيرها من القضايا الكبيرة. شو علاقة نهاد الشامي بمار شربل؟ وليش اعتبر إنو فيلمها دخل التاريخ؟ شو صار بدور البطولة لفيلم حسن المصري وكيف استقرّ على ديامان بو عبود وأحمد حاتم؟ شو قصة الفيلم اللي بيروي تفاصيل واقعية عن الضاحية الجنوبية لبيروت وليش ما أبصر النور؟ شو كشف سمير حبشي عن علاقته بالمخرج الراحل يوسف شاهين؟ كيف تشكّلت ثنائية سيرين عبد النور وخالد النبوي بفيلم دخان بلا نار ومين النجم الكبير اللي قال بدّي اشتغل مع سمير حبشي ولو ببلاش؟ شو رأيه بالسينما اللبنانية وأسمائها البارزة متل نادين لبكي زياد دويري فيليب عرقتنجي وغيرهم
ليش بيقول حبشي اليوم إنو “في جهل مش فساد” بالإنتاج؟ شو مأخذه على مسلسل “أسود” وشو النص اللي بيندم إنه ما أخده؟
شو قال عن مشواره مع الكتّاب بالدراما متل الراحل مروان نجار والكاتبة كلوديا مرشليان اللي كان إله حصة الأسد من نصوصها؟
شو قال عن نجمات الدراما اللي تعاون معهم وهل بيعتبر انه إله فضل على بدايات نادين_الراسي ريتا حايك ستيفاني عطالله سارة أبي كنعان ديامان ابو عبود وباميلا الكيك
بهالحلقة سمير حبشي بيحكي بصراحة عن واقع الدراما اللبنانية شحّ الإنتاج، احتكار الشركات، وبيعلق على “الدراما اللي ما بتقطع”…
شو رأيه بمسلسل بالدم وليش اختار مسلسل ع أمل شو قال عن الكاتبة نادين جابر والمخرج فيليب اسمر كيف بيوصف علاقته بشركة ايغل فيلمز وشو قال عن كارين رزق الله وكتابتها؟
تصريحات لأول مرة، خبايا من الكواليس، وأسرار من أرشيف الرقابة والموهبة!
كل هالأسئلة وأكثر، بتتابعوها بحلقة جديدة من مابتقطع مع رنا أسطيح عبر منصة هنا لبنان
