باسم رزق: فضل شاكر اكتسح بأغنيته.. نصيحة لوائل وملحم زين وهذا الفنان انتهى!

كواليس مخفية، مواجهات فنية، وبوح غير مسبوق، الموسيقي اللبناني باسم رزق بيفجّر المفاجآت بحلقة استثنائية من برنامج ما بتقطع مع الإعلامية رنا أسطيح

من بلجيكا لبيروت، ومن أهم المسارح بأوروبا لساحة الإنتاج الفني بلبنان، بيروي عازف العود والمؤلّف الموسيقي باسم رزق لأول مرة قصته الكاملة، بصوت واضح وشفّاف، بحلقة سقفها عالي كتير من “ما بتقطع”.

بهالحلقة بيكشف باسم للمرة الأولى عن تفاصيل أغاني وألحان ألّفها، وما توقّعت باسمه، وبيفتح ملف كبير حول قصة “تشابه الأسماء”، وبيوضح تفاصيل التشابه بالأسماء بينه وبين الموزع الموسيقي باسم رزق اللي تعاون مؤخراً مع النجمة نانسي عجرم وبيستعيد قصص مشابهة حصلت مع نادين نسيب نجيم ونادين ولسن نجيم أو بين نقولا سعادةنخلة ونقولا نخلة .

وعن الساحة، بيحكي باسم بصراحة عن فنانين بيحترمهم وبيفتخر فيهم وائل كفوري “فخر لبنان” ملحمزين “صوت ما بيمرق مرور الكرام” شيرين عبد الوهاب “صوت نسائي ما في متلو”،

فضل شاكر “أغنية وحدة منه اجتاحت العالم العربي كيفك ع فراقي وهيدا دليل إنو الفن هو روح مش بس صوت وأداء”.

وبيقول رأيه الصريح بأغنية تلات دقات للفنان أبو وبيصرّح “الأغنية مسروقة من أكتر من محل، بس انسرقت بذكاء!”.

وبيحكي عن تجارب فنية مثل تجديد مايا دياب لأغنية وردة “حرمت أحبك”، وبقول ليش النَفَس الجديد ما دايمًا بيخدم التراث.

أما عن علاقته بالنجمة ورد الخال فبيحكي عنها بصدق، وبيكشف جوانب ما حكاها قبل، من الإعجاب، للارتباط، للخصوصية، وبيختم برسالة إلها: “ما بيصح إلا الصحيح… وعم تقطعي بمرحلة فيها كتير أسئلة ما إلها أجوبة”.

وبين اعترافات شخصية، أسرار موسيقية، ومواقف واضحة، بيقول باسم: “أنا ماني كذّاب، ما بخاف من شي… بس عبالي الناس تعرفني على حقيقتي”،

حلقة بتواجه التعتيم، بتكسر الخوف، وبتكشف الحقيقة الكاملة بصوت باسم رزق… صوت موسيقي صادق بعالم الفن، وما بيقطع مرور الكرام.