مروى خليل قريبًا بين ظافر العابدين ونادين نجيم… ومسرحية تنطلق في جولة عالمية!

بهالحلقة من ما بتقطع بتكشف الممثلة والمنتجة والكاتبة المسرحية مروى خليل كواليس وأسرار مسرحية طربوش جدّي معلّق اللي بتتشارك بطولتها مع الممثل اللبناني جنيد زين الدين وبتعلن عن جولة خارجية للمسرحية بتشمل باريس ولندن ودبي وأبوظبي وكندا بعد النجاح الكبير اللي حققته على خشبة مسرح مونو ببيروت بالإضافة لعرض خاص على خشبة مسرح كازينو لبنان بـ 26 تشرين الأوّل وعروض مقبلة بمسرح دوّار الشمس.
بهالحلقة بتحكي مروى بصراحة كبيرة عن مواضيع الحب والحرية والهجرة والانتماء للوطن اللي بتطرحن بالمسرحية، بتتناول واقع المسرح اللبناني، وبتحكي عن الطائفية، والمجتمع الشرقي، واختلاف الثقافات بين لبنان وفرنسا، وكيف قدرت تحافظ على حرّيتها كممثلة رغم كل التحدّيات.

مروى خليل بتستعيد تجربتها بالدراما المشتركة من عالحد مع سلافة معمار لأعمالها مع تيم حسن وقصي خولي ومكسيم خليل ومعتصم النهار وغيرُن من نجوم الدراما العربية.

وبتكشف لأول مرة عن دورها الرمضاني الجديد مع نادين نسيب نجيم وظافر عابدين اللي بتجسّد فيه شخصية محورية بدور مفاجئ ومختلف!

ومن بدايتها بالمسرح مع بيتي توتل وروجيه عساف وكبار المسرحيين بتحكي كيف وصلت لكاستينغ سلسلة Vickings الشهيرة وتفاصيل فيلم عالمي مع النجم الهوليوودي JamesFranco

ليه اعتبرت العلاقات الإنسانية هي الأهم بالحياة؟ شو التحدّيات اللي بتواجهها المرأة بالعالم العربي؟ شو مفهومها للحرية؟

ليه اعتذرت عن الدور الأساسي بفيلم بيروت بالليل لدانيال عربيد واللي أدّته الممثلة دارين حمزة؟ وليه ما بتندم عالدور الجريء اللي حرّك بوقتها الرأي العام والصحافة؟

كلّ هالاعترافات والحقايق والمفاجآت بتتابعوها بهالحلقة من ما بتقطع مع رنا أسطيح.