رندة علم تقلب الطاولة في الدراما العربية.. تشويق وإثارة مع سيرين عبد النور وأنس طيّارة!
بين الجرأة، المواقف الجريئة، والاعترافات اللي ما بتنقال إلا مرّة وحدة، حلقة مختلفة من برنامج ما بتقطع مع ضيفة استثنائية، المخرجة اللبنانية رندة علم اللي بتفتح كل الملفات من انطلاقتها بعالم التمثيل للبصمة الخاصة اللي حققتها بعالم إخراج الأغنيات المصوّرة مع معظم نجوم العالم العربي وصولاً للكشف عن ثورة بعالم الإنتاج الدرامي العربي من خلال منصّة “سين” ومفهوم الـ “ميكرو دراما”…
بهالحلقة رندة علم بتكشف أسرار وكواليس عالم الإنتاج والإخراج الدرامي، بتحكي تفاصيل لأوّل مرّة عن إنتاجات جديدة مع نجوم متل سيرين عبد النور، أنسطيّارة، عبده شاهين، كارلوس عازار، ريتا حايك وكتار غيرن. وبتسترجع مشوار ضخم من أنجح الأعمال الغنائية المصوّرة مع أكبر الأسماء متل نوال الزغبي، نجوى كرم، أحلام، أنغام، وائل جسار وغيرن بتكشف عن سبب تأجيل التعاون مع نانسي عجرم وبتختار أغنية صندوق لأصالة.
شو قالت عن وضع الدراما اللبنانية وانتشار الممثلين اللبنانيين؟ بشو وصفت عدسة المخرج فيليب أسمر؟ لمين قالت ممنوع يكون موجود معي بموقع التصوير؟ ليش بتعتزّ بتجربة النجمة كاريس بشار؟ وشو قصّة القصف وصوت الطيران بأحد مشاهد التصوير؟
حوار صادق بين الصراحة والشجاعة، بين الضحكة والموقف اللي ما بينتسى… رندة علم بتفتح دفاترها بحلقة مليانة حقائق من برنامج ما بتقطع من إعداد وتقديم رنا أسطيح عبر منصة هنا لبنان.
