كارولين لبكي عن “Bornstars” وشغف السينما: اعترافات وكواليس… ولحظة تأثّر قوية عالهوا!

بين الجرأة، والكوميديا، وكسر التابوهات… حلقة مختلفة من برنامج ما بتقطع مع المخرجة اللبنانية كارولين لبكي “بتفتح من خلالها نافذة على عالمها السينمائي الخاص، وبتشاركنا محطّات من مسيرتها الحافلة وقصص الأفلام التي صقلت هويتها الفنية ولغتها البصريّة، بحوار بيمزج بين شغف الإبداع وتجارب الحياة اللي صنعت رؤيتها المتفرّدة خلف الكاميرا.

بهالحلقة بتكشف كارولين لبكي عن كواليس وأسرار فيلمها السينمائي الأوّل BornStars، بتحكي عن مصادر الالهام اللي حرّكت ولادة قصته عالشاشة، وعن جيل الشباب اللي بيستحق يكون صوته مسموع بالسينما اللبنانية. وبسياق الحوار، بتكشف ليه اختارت هالقصة بالتحديد؟ هل تقصّدت إثارة الجدل؟ شو حاولت تقول عن الشباب اللبناني ببلد صار فيه الضحك فعل مقاومة حقيقية؟ وليه بتعتبر إنّو الفيلم بيقول بوضوح إنّو المرأة هي سيدة القرار؟
وبلحظة صدق وتأثّر كبير خلال الحلقة، بتحكي كارولين عن علاقتها بشقيقتها نادين لبكي وعن الرسالة اللي بتتركها لبنتها عن أحلام السينما وقصص البلد والهدف من الروايات اللي مننقلها من الحياة للشاشة…
حلقة مليانة صدق ومواقف مؤثّرة من إعداد وتقديم رنا أسطيح عبر منصة “هنا لبنان”