خليل أبو عبيد في أقوى مواجهة فنية: الذكاء الاصطناعي، فضل شاكر ونهاية زمن الترند!

خليل أبو عبيد ضيف حلقة نارية من برنامج ما بتقطع مع الإعلامية رنا أسطيح… حوار بيكسر كل القوالب الجاهزة ويفتح الملفات الأخطر بصناعة الموسيقى اليوم: من وهم الـTrend إلى خطر الذكاء الاصطناعي، ومن “انتهاء الصلاحية” إلى الفن اللي بيعيش.

بهالحلقة، خليل أبو عبيد بيقولها بلا تردّد: “الترند عنده مدة صلاحية”… وبيكشف ليش وصف اللي عم يصير على الساحة الغنائية بـ “المصيبة”، وكيف الـ AI والنسخ دمّروا المشهد وفرجوا بالمقابل مين فعلاً بيعمل موسيقى حقيقية.
وبيحكي عن فضل شاكر وليش اللي عمله بهالسنة كان دليل إنو الفن الصادق أقوى من أي خوارزمية أو موجة.

وبيفتح قلبه عن أغنيته الجديدة يا قلب وعن كيف صارت شركات الإنتاج تشتغل اليوم، وشو اللي تغيّر بين زمن الأغنية اللي بتتعب عليها وزمن الأغنية اللي بتنعمل للـ view.
ومنها بيرجع لمسيرته لأكثر من 20 سنة بالتلفزيون، وتدريب الصوت بأهم برامج المواهب الغنائية وكيف انتقل من محترف “بالكواليس” لمنافس مباشر بأكبر سوق فني. شو قال عن النسخة الجديدة من TheVoice ولجنة التحكيم أحمد سعد، رحمة رياض، وناصيف زيتون ؟
شو قصة الأغنية اللي أعطاها لعاصي الحلاني؟
وشو اللي قاله عن صابر الرباعي؟
وليش أعلن: “أنا اليوم عم بشتغل للكوكب”؟
ومين الأسماء اللي كشف إنو رح يتعامل معها قريباً خارج الحسابات المحلية؟

وبيغوص بعالم الأصوات:
مين الصوت اللي بيلفته كملحّن؟
وشو قال عن وائل كفوري
عن نانسي عجرم وإليسا ؟
شو الفرق بين الاستديو واللايف اللي العالم ما بتشوفه؟
ليش اختار ماريلين نعمان؟
وليش وصف عبير نعمة بأنها من أجمل الأصوات؟
وكيف من أول ثانيتين عرف إنو ناصيف زيتون رح يكون نجم الموسم؟

وشو رأيه بنجوم 2025: عمرو دياب عربياً وفضل شاكر لبنانياً، وليش قال إنو أحمد سعد وشيرين “بيستهووني باللي بيعملوه”.
حوار جريء، صادم، ومليان أسرار عن صناعة النجومية، الأصوات الحقيقية، والفرق بين الفن والترند…
بحلقة ما بتشبه ولا حلقة من ما بتقطع عبر منصة هنا لبنان