فاديا ويمان الحاج: بين التراث والترند… وآراء نارية بأسماء الساحة الفنية!
الفنانة الكبيرة فاديا طنب الحاج وابنتها المغنية والكاتبة والملحنة والمؤلفة والمنتجة الموسيقية يمان الحاج ضيفتا هالحلقة من برنامج ما بتقطع مع الإعلامية رنا أسطيح بحوار صريح ومليان موسيقى واعترافات، بيحكوا فيه عن نجاح مرفرف الدلال وكيف قدروا يقدّموا التراث بروح جديدة من دون ما يفقد هويته، وعن اختلاف رؤيتهن الفنية بين جيلين.
بهالحلقة بتحكي فاديا طنب عن تجربتها بلجنة سوبر ستار وبتكشف اسم المشترك اللي ما كانت مراهنة عليه وصار من أبرز نجوم الغناء، وبيشمل الحديث مرحلة التعاون البارز مع الرحابنة و زكي ناصيف ونظرتهم للبرامج الفنية اليوم، ورأيهم بالذكاء الاصطناعي، واستعمال الـAuto-Tune، وهل تنظيف الصوت غش بحق الجمهور، كما بيكشفوا رأيهم بعدد من الفنانين منهم ماريلين نعمان، هبة طوجي، عبير نعمة، أصالة، جوليا بطرس، كارول سماحة وسعد المجرد
ليش قالت فاديا إنو يمان عندها رؤية فنية مختلفة عنها؟ وليش تركت يمان الطب واختارت الموسيقى؟ وليش اختارت يمان التعاون مع tul8te وشو الشرط اللي حطّته قبل الديو؟ وشو اللي بتواجهه بموضوع الهجرة والفراق؟ وليش قررت تطلق أول حفل إلها من لبنان؟ وشو قصة الأغنية اللي عملتها لجدها وما نزلت لأسباب سياسية؟
حوار صريح، فني، ومليان مواقف واعترافات بتتابعوه ضمن برنامج “ما بتقطع” عبر منصة هنا لبنان
